Post by cjm on Apr 12, 2014 7:19:23 GMT
Etiket deur Nataniël.
Wenke aan die dames:
Daar is niks so mooi soos ´n kant boudeflossie wat net so effens uitsteek nie- by die regte lyf, maar met die klem op 'net so effens', en die regte lyf... Ek kry trane in my oë as ek van agter vir 'n vrou loer en dit lyk of haar boude besig is om haar g-string op te eet. Dit het net gewerk vir Bill Clinton, toe Monica dit gedoen het. En kyk wat is die gevolge.
As jy ´n rolletjie (of twee of drie...) het, moet asseblief nie´n boob-tube met ´n oop magie dra nie, ook nie 'n kort top by 'n hipster nie!
Die spek-wors / rolletjie suurdeeg wat oor ´n belt borrel is verkeerd in enige broek, en bederf die aptyt.
Alhoewel jy baie trots voel daarop, wil ons asb. nie jou nuwe naeltjiering sien nie, vernaam nie as jy die rolletjie eers moet oopvou terwyl jy met die ander hand 'n metaalverklikker gebruik om die dingetjie te probeer opspoor nie.
Onthou tog asb. om in die spieël te kyk voordat jy uit die huis gaan in die oggend.
Wees asb. versigtig wanneer 'n broek, gemaak uit die nuwe rekmateriaal, gedra word - vernaam in wit/beige - dit lê beslis klem op alle bewegende dele, asook haelduike/skade - die term 'twee varkies in 'n nat streepsak' is hier goed van toepassing. Die toppunt is om 'n swart g-string daarby te dra, wat die 2 varkies elkeen in sy eie hok probeer hou.
Nog 'n groot 'no-no' is spykerhakke by 'n sweetpakbroek. Dié wat net daarna kyk, begin al te sweet.
Werksdrag: Mans
Wit sokkies word NOOIT by werksklere gedra nie, net pedofiele doen dit.
Jou sokkies se kleur moet by jou broek se kleur pas, donkerblou of donkergrys sokkies pas nie by ´n swart broek en swart skoene nie.
Van skoene gepraat; jy dra nie skoene met sole van meer as 1cm by ´n 'pak' broek nie. Onthou, hoe hoër jy staan, hoe harder val jy.
En as die skoen enige gekroomde metaal aanhet, dra jy dit glad nie (behalwe as jy navorsing oor magneetvelde doen).
´n Das by ´n kortmouhemp lyk moer kommin en ‘n das wat te kort is, lyk nog erger- veral as jy 'n pens het, vat dit die koek.
Effekleurige dashemde met wit krae is dood. Brand of begrawe dit. Moet nooit ´n geel das dra nie, dit lyk of ´n heks op jou gekots het. Moet ook nooit ´n das met Disney-karakters dra nie, as jy ernstig opgeneem wil word, moet jy soos 'CNN' lyk, nie soos 'Cartoon Network' nie. Colour-code beteken NIE dat jou Disney-karakter kouse en das bymekaar moet pas nie!!!!
Informeel:
'n Swart belt of skoene word nie by blou jeans gedra nie. ´n Belt buckle wat groter is as jou kop word slegs gedra as jy op vakansie is in Texas .
Jy dra nie ´n afmou-hemp in die publiek nie, die chix spek jou wel meer, maar dis uit afgryse, jy fire nie hulle jets nie!
PT-broeke met die ¨slits¨ aan die kante lyk, en is, ongemaklik, moenie dit dra nie, behalwe as jy ander gay mense opgewonde wil maak, of 'n skelm poep wil laat ontsnap nie.
Die hele doel van ´n pet, is om die son uit jou oë te hou, nie uit jou ore of agterkop nie, dra die afdakkie na voor en as jy onder-dak inloop, haal dit af. Selfde rëel geld as jy jou girl soen of eet in 'n openbare plek. Net op Mitchell's Plain en Soweto dra jy die ding as jy vreet!
Jou broek se bokant moet op jou heupbene sit, nie onder jou gat of onder jou arms nie. Niemand stel belang hoe jou boxer lyk of watse snaakse vorme jou 'genitalië' onder druk aanneem nie.
Bykomstighede:
´n Sonbril hoort op jou oë, in sy sakkie, of in jou hand, nie op jou kop, om jou nek, of voor aan jou kraag nie! En haal tog jou sonbril af as jy met iemand praat, behalwe as jy nou net iets gesteel het.
' n Selfoon moet nie aan jou belt gedra word nie, dis ´n Nokia, nie ´n Beretta nie.
'n Belt is gemaak om jou broek bo te hou, nie vir jou selfoon, knipmes, Leatherman, toolbox, Beretta, Beretta se laserscope, Beretta se ekstra patrone, botteltjie haarolie, kondome, ens nie.
Jou kam hoort in die badkamer, nie in jou kous nie, maakie saak wat jou pa destyds gesê het nie! En haarolie is iets wat deur die Nazi's uitgedink is om vroue reg oor die wereld te pynig, hulle noem dit massamarteling.
Sterkte...