Ek ken hom maar net via die Naaimasjiene CD. Dele baie vervelig met hier en daar iets wat die banale oorkom.
Met die verskyning van Om ’n laaitie te maak in 1986 beland Theunis onder die wakende oog van Suid-Afrika se sensuur-waghond en plaas hulle ’n ouderdomsperk van 18 daarop. Dit het veroorsaak dat hy besluit het om eerder sy aandag toe te spits op die wêreld van pop- en rockmusiek om uitlating aan sy skeppende vermoëns te gee en die letterkunde vaarwel toe te roep. Hy stig ’n groep Randy Rambo & the Rough Riders en hulle liedjie "Jong dames dinamiek maak my siek" is in 1988 op die bekende "Voëlvry"-album opgeneem. Randy Rambo en sy groep se album wat in 1990 verskyn het, Die saai lewe, word vir verspreiding verbied omdat die politieke en obsene inhoud daarvan nie die sensuurraad se goedkeuring weggedra het nie. In 1996 reik hulle weer die album uit met enkele veranderinge daarop en verander hulle die groep se naam na Die Naaimasjiene. Die verbod is later opgehef met ’n ouderdomsperk van 18 daarop. Die Naaimasjiene is 'n ateljeeprojek, maar het al opgetree by Houtstok 2, Oppikoppi en Kaktus op die Vlaktes en hul liedjie "Sê 'n gebed" is deur Johannes Kerkorrel onder die titel "Sê-sê" verwerk en opgeneem vir sy album ge-trans-for-meer. (Wikipedia)