Discovery se ruggraat

Met alle respek, meneer Gore, waarom moet ander hof toe gaan om u kernbesigheid – goeie
gesondheidsorg – in beskerming te neem? Waarom moet ander die moeilike gevegte veg
terwyl u bloot politieke verhoudinge wil beskerm?

Daar is iewers ʼn misverstand oor wat konstruktief is. Iemand wat hof toe gaan oor ʼn
ongrondwetlike stelsel is juis konstruktief.

Hulle tree in vir wat reg is. ʼn Regering wat roekeloos mag sentraliseer is dekonstruktief en
breek ons grondwetlike bedeling af. Iemand wat nie hof toe wil gaan nie, maar met klein
wysigings wil paai, is ook juis nié konstruktief vir die groter samelewing nie.