What appears from the following extract and maps is that the Zulus moved through the FN claim area at relevant times and, of course, also constituted a major presence in the South.
What also appears, is that in many instances the Trekkers obtained land by negotiation and conquest.
Tribes were often granted rights within these areas obtained by the Trekkers. This confirms the argument (advanced by Trog) that we are really dealing with the acquisition by treaty of political control over the areas concerned.Changuion & Steenkamp: Omstrede Land, Protea, 2011pp 27-32
Die periode van blanke vestiging in die binneland
(1820 -1856)Die invloed van die Difaqane
In die tydperk net voor die blanke trekkers in die binneland van suidelike
Afrika aangekom het, het hier ’n grootskaalse verskuiwing van etniese groepe
plaasgevind. Dit was die periode van die Difaqane (ook Mfeqane of Mfecane
genoem) - uitdelgingsoorloë tussen van die swart stamme
wat groot dele van
die binneland feitlik onbewoond gelaat het. Hierdie reeks oorloë het in die
vroeë 1820’s begin onder bewind van die Zoeloekoning Shaka.
Drie noord-Nguni-gemeenskappe het weswaarts oor die Drakensberge die
binneland ingeval en groot verwoesting onder die Suid-Sotho-gemeenskappe
gesaai. Dit het 'n kettingreaksie ontlok toe stamme soos die Tlokwas wat
deur die Ngunis aangeval is, op hulle beurt ander stamme aangeval het. Die
mees gewelddadige aanvalle is uitgevoer deur die Khumalo-Ndebeles (by die
blankes bekend as die Matabeles) onder hulle leier Mzilikazi (by die blankes
bekend as Silkaats) wat van Shaka weggebreek het. Hulle het hoofsaaklik die
Tswanagemeenskappe aangeval. Ook hierdie aanvalle het 'n kettingreaksie
ontlok toe van hierdie stamme hulle bure aangeval het. 'n Reeks oorloë tussen
verskillende stamme was die gevolg. Mzilikazi en sy gevolg het ook stamme,
onder andere die Nzundza-Ndebeles, aangeval en verdryf in die gebied wat
later as die sentrale Transvaal bekend sou staan. Ook die Kaapse oosgrens is
deur die Difaqane geraak deurdat die Fingo's van Shaka af weggevlug het en
hulle onder die Xhosas gevestig het. Dit was egter nie 'n vreedsame hervesti-
ging nie, maar het gepaardgegaan met groot konflik. (Kyk Kaart 6.)
Hierdie staat van oorlog in die binneland het vir meer as 'n dekade voort-
geduur.
In die vroeë 1830's het die Zoeloes onder Dingane ook die binneland
ingeval en onder andere teen Mzilikazi se Khumalo-Ndebeles, wat nou opper-
heerskappy in die binneland gevoer het, oorlog gemaak. Nadat die Zoeloes
teruggetrek het Natal toe, het die Khumalo-Ndebeles weswaarts verskuif en
ook daar (in die omgewing waar die dorp Zeerust later sou ontstaan) verwoes-
ting onder die Tswanagemeenskappe gesaai. Die koms van die Voortrekker-
geselskappe in 1836-1837 en gevolglike oorloë tussen hulle en die Ndebeles
het 'n einde gebring aan Mzilikazi se oorheersing in hierdie geweste en hulle
het padgegee na die gebied noord van die Limpoporivier. Dit het 'n einde ge-
bring aan die Difaqane.Die enigste etniese groep wat baie min deur die Difaqane geraak is, is die
Vendas in die noorde. Die ander stamme is almal in 'n meerdere of mindere
mate ontwrig. Baie van hulle het uit hulle aanvanklike vestingsgebiede gevlug
en hulle elders gaan vestig. So het die Rolong van die Tswanastam suid gevlug
en hulle in die omgewing van Thaba Nchu gevestig. Dit was veral in die streke
wat vandag bekend is as Gauteng- en Noordwesprovinsie waar groot dele feit-
lik ontvolk is. Party van hierdie vlugtelinge het na hulle ou tuistes terugge-
keer nadat Mizilikazi padgegee het. Dit het saamgeval met die koms van die
blankes vanaf die Kaap. Hierdie nuwe intrekkers het hulle weldra gevestig in
hierdie dele waar hulle grond kon bekom, op welke wyse ook al. (Kyk Bylaag
C: Die Voortrekkers se siening van die Difaqane, p. 315.)
...
p30
...
Omdat hierdie Trekkers se konsep van grondeienaarskap reëlreg met
dié van die swart volke verskil het,was botsing van die begin af
onafwendbaar. Hierdie gebeurtenis het die geskiedenis van die land in
'n rigting gestuur waarvan die gevolge ingrypend was. As dit nie
plaasgevind het nie, sou vandag se probleme rondom grondbe-
sit waarskynlik nooit ontstaan het nie.
Die eerste Voortrekkergeselskappe, dié van Louis Tregardt (oorspronklike
spelling) en Hans van Rensburg, het nie permanent in die dele wat weldra as
die Vrystaat en Transvaal bekend sou word gevestig nie, maar het vanaf 1836
tot 1838 slegs daardeur getrek Mosambiek toe. Die Tregardt-trek het wel vir
meer as 'n jaar in die Soutpansberg-omgewing vertoef voordat hulle besluit
het om verder te trek. Die leier van die volgende trek, Andries Hendrik Pot-
gieter, het Tregardt in 1836 by die Soutpansberg besoek en saam het hulle
toestemming van die Vendakoning, Ramabulana, gekry om op grond daar te
vestig, maar Tregardt het verkies om kus toe te trek.
In 'n opvolgingstryd kort voor die koms van die blankes, het die Venda-
nasie in drie verdeel: die Westelike Vendas onder Mpofu; die Suidelike Ven-
das onder Rhavura en die Oostelike Vendas onder Tshivhase. Wat oorgebly
het van die oorspronklike Vendas, was nou die Westelike Vendas en is steeds
beskou as die oppergesag van die Vendanasie. Dit was in Mpofu se tyd wat
die Buys-mense daar aangekom het en hy vir hulle grond gegee het om op
te bly. Ná Mpofu se dood in 1829 het daar ook tussen sy seuns, Ramabulana,
Ramavhoya en Madzhie, 'n troonopvolgingstryd ontstaan. Dit word beweer
dat Tregardt vir Ramabulana gehelp het om sy broers te verslaan en sodoende
die troon te bestyg en dat dit die rede is waarom hy aan hulle toestemming
sou verleen het om daar te vestig. Potgieter het na sy mense in die Vrystaat
teruggekeer om met hulle die moontlikheid van vestiging in die Soutpansberg
te bespreek. Dit was waarskynlik die eerste keer dat blankes betrokke geraak
het by 'n troonopvolgingsgeskil in 'n swart stam. Dit sou vorentoe weer gebeur
en gewoonlik het dit negatiewe gevolge gehad, veral as die witman die
“verkeerde” kandidaat ondersteun het.
Daar het baie grond in blanke besit gekom deur middel van onderhande-
ling met van die inheemse volke. Daar is talle voorbeelde waar grond deur
die Voortrekkers verkry is deur ruiltransaksies en vir dienslewering. Verskeie
verdrae, traktate en ooreenkomste is met opperhoofde van die swart stam-
me gesluit oor hierdie verkryging van grond. (van hierdie dokumente word
vandag nog in die staatsargiewe bewaar.)Die swart volke het egter spoedig gekla dat hulle deur die blankes van hulle
stamgrond af verdryf word. In talle gevalle het dit tot geweld gelei waarna die
oorwinnaar, op grond van die beginsel van 'oorlogsinbesitnamei soos dit nog
altyd in die res van die wêreld erken is, die grond verower het. Trouens, dié
p 31
beginsel is ook in Afrika erken en toegepas waar inheemse swart volke teen
mekaar geveg het.
Die eerste oorlog in die binneland waarna aanspraak gemaak is op ver-
owerde grond het in November 1837 plaasgevind toe die Voortrekkers onder
leiding van Andries Hendrik Potgieter en Piet Uys Mzilikazi se Khumalo-Nde-
beles verslaan het. Die Voortrekkers het daarna, op grond van die reg van ver-
owering, aanspraak gemaak op die gebied wat onder Mizilikazi se beheer was.
Dit is 'n groot area wat die grootste gedeelte van die teenswoordige Noord-
wesprovinsie en Gauteng ingesluit het, asook 'n klein gedeelte van vandag se
Limpopoprovinsie en 'n klein deel van vandag se Botswana. (Kyk Kaart 8.)Die eerste geval van erkenning van die inheemse mense se grondbesitreg
deur die nuwe “heersers” het reeds voorgekom kort nadat die Voortrekkers
Mzilikazi in 1837 verslaan het. Hierdie eerste geval was toe Moilwa van die
Hurutshes Potgieter by die Mooirivier besoek het en aan hom die versoek ge-
rig het om sy mense, wat deur Mzilikazi verdryf is, toe te laat om na hulle ge-
bied terug te keer. Potgieter het aan hierdie versoek voldoen en het ook gehelp
om die grense van die Hurutshe-gebied, naby vandag se Zeerust, te bepaal
en ’n ooreenkoms in dié verband is voltrek. Jare later, in 1871, het Moilwa dit
voor die Bloemhofkommissie beaam. Kort ná die Hurutshe-ooreenkoms is 'n
soortgelyke skikking ook met Matlaba van die Rolong bereik vir gebied tussen
vandag se Mafeking en Taung en met ander kleiner groepe wat die Voortrek-
kers ondersteun het teen Mzilikazif Ook die Kwenas se gebied is erken en die
Kgatla het grond naby Derdepoort gekry.Intussen het van die Voortrekkers onder leiding van Potgieter, Piet Retief,
Gert Maritz en Piet Uys getrek na die gebied onder die Drakensberg, wat later
as Natal bekend sou word. Dit word beweer dat Retief, voordat hy Natal toe
getrek het, met verskillende swart kapteins aan die Caledon traktate gesluit
het. Daar het egter geen bewyse oorgebly om hierdie beweringe te staaf nie.
Potgieter en sy geselskap wou egter nie in Natal bly nie, maar het verkies om
terug te trek oor die Drakensberg om hulle in die binneland te gaan vestig.
Potgieter en sy gevolg het vir 'n tyd langs die Sandrivier gestaan en in Junie
1838 het hy die grond tussen die Vet- en Vaalrivier van die Taung (BaTaung)-
leier Makwana geruil vir 49 beeste. (Kyk A.H. Potgieter se brief aan sir George
Napier in Bylaag C, p. 315-317.) Die ooreenkoms met Makwana is bereik om-
dat Potgieter belowe het om die Taung te help indien Mzilikazi hulle dalk weer
sou bedreig. Weereens was dit grond wat deur blankes bekom is deur onder-
handeling. (Kyk Kaart 8.)
In Desember 1838 het Potgieter in 'n proklamasie aan die Kaapse goewer-
neur verklaar dat die landstreek noord van die Vetrivier nou 'n onafhanklike
Voortrekkergebied sou wees. In 1842 is die eerste dorp, Winburg, in hierdie
gebied gestig.
p32
Vanaf 1839 het die Voortrekkers grond noord van die Vaalrivier, aan die
Mooirivier en die Schoonspruit, beset in die gebied wat hulle in 1837 van
Mzilikazi verower het, en 'n dorp gestig, wat hulle Potchefstroom genoem het.
'n Groot gebied is as staatsgrond verklaar en in trust gehou vir die blanke be-
volking. Onder leiding van Potgieter is begin om plase aan blanke boere in dié
gebied toe te ken. In 1839 en 1840 is 'n groot aantal plase toegeken. Hierdie
plase was geleë tot noord van die Magaliesberge, in 'n noordwestelike rigting
tot by die bolope van die Molopo- en Maricorivier, weswaarts tot aan die Ma-
kwassiespruit en ooswaarts tot aan die Suikerbosrand. Vanaf 1841 tot 1850
is daar, benewens meer plase in bogenoemde gebiede, ook plase verder noord
en noorxxxxwaarts toegeken, tot so ver noorxxxx as die Strydpoortberge en
noordwaarts tot by Silkaatskop in die Dwarsberg. (Kyk Kaart 8.)Intussen het die ander Trekkers, hoofsaaklik onder leiding van Retief en
Maritz, grond in Natal verkry deur onderhandeling. Dingane was bereid om
grond aan die Trekkers te gee indien hulle sy beeste wat deur 'n ander swart
leier, Sikonyela, geroof is, aan hom sou terugbesorg. Retief het dit gedoen en
gevolglik is 'n ooreenkoms ('n traktaat) met die Zoeloekoning Dingane aange-
gaan. (Kyk Bylaag D: Onderhandelinge met Dingane oor grond, p. 318.)
Grond wat strek vanaf die Umzimkulurivier in die suide tot by die Umfo-
lozi in die noorde is volgens hierdie traktaat aan die Trekkers afgestaan. Die
Zoeloes was bereid om noord van die Umfolozi te bly. Blykbaar was daar 'n
misverstand oor hierdie grens tussen die Trekkers en die Zoeloes, want groot
getalle Zoeloes het tussen die Umfolozi- en die Tugelarivier bly woon. Hierdie
ooreenkoms was van korte duur. Retief is vermoor. Die Zoeloes het nie die
ooreenkoms gestand gedoen nie en gevolglik het dit op botsings uitgeloop.
Ná die Slag van Bloedrivier op 16 Desember 1838 onder leiding van 'n
nuwe leier, Andries Pretorius, het die Voortrekkers in Natal in die verowerde
gebied begin om plase aan te lê. Met die beslissende Slag van Bloedrivier het
die Voortrekkers hul gesag in Natal gevestig. In Mei 1839 het Dingane die
voorwaardes vir blanke vestiging aanvaar en daarmee het 'n paar duisend
blankes beheer geneem van 'n gebied met ongeveer 25 000 swart inwoners.
Dingane het egter nie by die voorwaardes gehou nie en die Trekkers het hom
ñnaal verslaan met behulp van sy halfbroer, Mpande. Die probleem het egter
vergroot deurdat talle swartes die gematigde beleid van die blankes bo die be-
leid van die nuwe opperhoof, Mpande, verkies het. Op 14 Februarie 1840 is
Natal tot 'n Boererepubliek verklaar. Elke Trekker wat voor 1839 aangekom
het, was geregtig op twee plase. Die hoofstad het hulle Pietermaritzburg (na
Piet Retief en Gert Maritz) gedoop.
Die Volksraad het sedert 1840 die rasse- en gebiedskeiding jaarliks as deel
van die sogenaamde Naturellevraagstuk bespreek en die beleid wat ontstaan
het, was in breë trekke om:
’n gebied vir blanke besetting te identifiseer;
...